Home


Wir über uns


Das Team


Anlässe / Daten


Berichte


Links


 

Klang - Weg  1. 10 . 2015

         
         
Statt Tirggel bache, hämmer euis uf d Socke gmacht und sind im schöne Toggeburg go wandere!
9 grossi Naturfründ und 1 chlini Naturfründin händ sich so allmählich zämmegfunde a däm herrliche Morgä! Bis Krummenau hät s Vreni dänn alli Schöfli binenand gha! Via Wildhus simmer im Oberdorf acho! Det gits en wohlverdiente Kaffi mit feine Nussgipfel bevor mer los marschieret. D Sunne lacht vom blaue Himmel und äs weht ä zügigi Bise, aber mir sind guet agleit und zum Wandere richtig herrlich! Dä Wäg isch würkli z empfehle! Soviel interessanti Sache über Tön und Kläng gits da z lehre und a jedem Poschte chammer öppis mache!
Also würkli musikalisch simmer nöd, aber mer händ euis Müeh gäh und bi jedem Poschte euses Beschti gäh!! Für d Sarina hätts ganz vill 10er Bänkli gha! Was es mit dem uf sich hätt das wüsset die wo debi gsy sind und die andere müend halt au emal mitcho!!!!

Nach öppe 2 Stund simmer dänn mit Hunger und Durst im Iltios acho. Mer händ äs gschützt Plätzli uf dä Terrasse gfunde und us dä richhaltige Charte öppis feins usgsuecht!

Zum Schluss no äs feins Kaffi mit oder ohni und dänn hämmer no dä Reste vom Wäg under
d Füess gnah! Wieder begleitet vo villne musikalische Pöschte und villne Bänkli für d Sarina!
I dä Sellamatt langets no für en schnälle Rank i d Beiz und zum dä Durscht lösche! Dänn gahts mit äm Bähnli durab uf Alt St.Johann wo euis s Postauto mitnimmt und nach Nesslau bringt. Det uf dä Zug und scho bald verabschiedet sich s Hinnen's vo euis. Mir andere fahret via Wattwil wieder heizue.

Äs isch än super schöne und gmüetliche Tag voll Kameradschaft gsy!

Herzliche Dank am Vreni fürs Organisiere!  ...Tirggel mached mer s nöchscht Jahr!

Mit eme herzliche Berg-Frei

Brigitte Schraner
 

       
         

Externe Seiten: Verantwortlichkeit
Wir lehnen jede Verantwortung über Inhalte verlinkter externer Seiten ab! Für den Inhalt dieser Seiten sind die jeweiligen Betreiber/Verfasser selber verantwortlich und haftbar.
 

Copyright
Die Inhalte auf dieser Website unterliegen dem generellen Urheberschutz
und sind Eigentum der jeweiligen Autoren und Fotografen!
Entsprechende Fragen sind an den Webmaster zu richten.


 





Last Update and © by nfvbz webmaster  20.09.2017 15:39